اجه امناتي وكعد يشكيلي ضيمه

اجه مناتي , وكعد يشكيلي  ضيمه

ظل يلطم , ويقرالي

اليتيمه

+

وكال : ارد اشرد امن الناس , ياخوي

وما اسكن مدينه , اسكن

ابهيمه

+

اخوي الحكلي .. ما ظل فلس بالبيت

واجيت الباب بيتك , يبو

الشيمه

+

اوختمهه اوكال : اظل جندوب مهلوس

هضيمه وروح ابوي , اكبر

هضيمه

+

صديقي  امناتي داوي , اوطاكه افلاس

واجاني ايعيدلي ابقصته

القديمه

+

اخذته  اوياي  ..  للمطعم  اداويه

وصحت : واحد نفر , تمن

اوقيمه

+

امناتي , ايريد يأخذ  مني افلوس

ومثل كل مره.. بالمطعم

عزيمه

+

وكال : امن اشتغل كل حكك ايعود

وحلفلي ابروح والدته

حليمه

+

وكبلهه ابروح  ابوه , اقسملي مرتين

ومرتين باسم عمته

سليمه

+

صديقي امناتي .. ما ينشاف بالليل

وسمين واكرع وعينه

كريمه

+

وجهه امشخط , اماسه  وسجاجين

ابصراحه , اوشوفته اكثر

من ذميمه

+

امناتي اشتغل حارس , باك أبو البيت

وخنك جدام خلك الله

خصيمه

+

وشرب مره , وخطب بالناس , ياناس

اسمحولي ارتكب بيكم

جريمه

+

ظل بالنادي وحده .. اوشردت الناس

وشبع بيهم مدكات

وشتيمه

+

يسأل  عالفواتح ,  ياهو  المات

ويطب ابلاعرف , لو شاف

خيمه

+

ايحب  اللحم ,  ويقدر التشريب

وتلكاه كاعد , ابنص

كل وليمه

+

ما يشبع , اذا ياكل  التشريب

ويصرخ : ياخلك وذرة

الحيمه

+

مناتي , الما يدينه ايشبعه دفرات

وبعد الكتل , يرميله

التهيمه

+

وما  تنفع اوياه  الشرده ياناس

ولا اتحل مشكله اوياه

الهزيمه

+

بعت كتبي  وكلت , اسلملي ياروح

ولا كتله واغني

ياحريمه

+

واضمن ما  يمر ابجلدي ,  دباغ

واقل شي اضمن تظل عيني

سليمه

+

عباس طريم

اريزونا

  كتب بتأريخ :  الجمعة 05-05-2017     عدد القراء :  416       عدد التعليقات : 0

 
   
 

 


 
((((( سلوان صباح دمّان ))))) ( ينال شهادة البكالوريوس في الهندسة الكهربائية )
وأخيراً قطف ولدنا سلوان ثمرة جهوده الإستثنائية وقدراته الإبداعية ونال شهادة البكالوريوس في الهندسة الكهربائ...التفاصيل