رسالة الحرامية.. الى الشعب العراقي وين تشرد منه ياشعب العراق

وين  تشرد منه  , ياشعب العراق

الله سلطنه عليك

اين المفر ؟

+

احنه .. طوقناك  من اربع  جهات

وكل طريق انسد عليك

اوكل ممر

+

ولو بدينه , الماي كطعيناه عليك

بس حضرتك .. تدري

بيدالله المطر

+

النه بس .. خيرات كل هذي البلاد

وانته من الخير , حصتك

بس نظر

+

انته بس  تسمع , ابخيرات العراق

ما الك كل شي , اذا

زاد وكثر

+

صار طابو البلد , والعنده اعتراض

لا ايدردم , هذه مفتوح

السفر

+

احنه  نتمنه الشعب , لاجيء يصير

ويشوف له ابارض الله

عنوان ومقر

+

واحنه سهلنه  السفر , عبر المطار

وبعد مفتوح السفر

عبر البحر

+

وصعبه , صعبه اهواي ننطيكم مجال

اتعيشو مثل العالم , اومثل

البشر

+

كولو سراق , اوحراميه , اولصوص

ما انخاف.. امن المقال

ولا الشعر

+

المهم عدنه .. الخزاين  والفلوس

واليعارضنه .. نطم حلكه

ابحجر

+

احنه  ..  فلشنه  البلد من الاساس

اوخلي يتفلش .. الى قير

وصقر

+

لازم انخليه   ..  كاعد  عالحديد

امفلش .. اومن ميه

يرجع للصفر

+

يالبنيتو  البلد  .. بالجد   والكفاح

احنه زحناكم .. اوصار

النه الثمر

+

احنه صرنه اهل البلد , واهل الديار

كله النه ..ومنه ما ننطي

شبر

+

احنه .. ندري  المرض والهم والشقاء

بين افراد الشعب

كله انتشر

+

والحزن  عم,  ابتقاسيم  الحياة

والالم شك الكلب , شك

اوظهر

+

بس نظل انبوك  , اموال   العر اق

بالنهار , وابد ما ناخذ

حذر

+

لان احنه .. انبوك بيه , واحنه الحماة

احنه حامي,  والحرامي

المختصر

+

ولان  لا احساس , عدنه  ولا ضمير

ولان وسط انفوسنه , الشر

انتصر

+

صار كل اصرارنه , اندمر  البلاد

وننهب أمواله , ونسبب له

الضرر

+

ابكل  صراحه  انكولهه , ابارض العراق

خير واجد , مثل جريان

النهر

+

واحنه .. رغم البوك كل هذي  السنين

ما انهد البلد . وانعيد

النظر

+

الغوث صاحت  منه ,  كل المسلمين

اوشفنه بعيون الشعب

كل الكدر

+

وشلنه اموال  اليتامه  ,  البالعراق

اوظلت اعله الخبزه والجاي

الأسر

+

ما تعاملنه , ويه عالم , اوخبير

اله شال , ابليل من عدنه

اوطفر

+

وما  اجت تبني البلد ,  بعض الوفود

وشافت اكلاواتنه , وصمدت

شهر

+

وما اخذ واحد عقد , وارتاح  بيه

اله مرمرناه , وخليناه

خسر

+

وما دخل  محتاج , مجلسنه  الجبير

وحصل المطلوب .. الا

ما ندر

+

احنه  اهل  البخل  ,   نسمع  بالكرام

ودوم نشتم جدهم .. السابع

عشر

+

لان  ريحتم  مثل  ,, طيب  الزهور

عكس ريحتنه .. مثل روث

البقر

+

ونشعر اباحراج  .. اذا مدحو  كريم

اوننزعج لو في مجالسنه

انشكر

+

حته  هيئات الامم  , صاحت  الغوث

وصنفونه اول على

كل البشر

+

بالنهب  والبوك ,   وبأكل  الحرام

وبالرشاوي.. العادي صارت

والهدر

+

احنه ياهو ايطب علينه , انكله كوم

ادفع المقسوم , مفتوح

المجر

+

احنه من  جنكيزخان  ,  اكثر  بلاء

ومن شرور ابليس , وأولاده

اشر

+

احنه اقسمنه ,  بحق  رب  السماء

انكلي هذه الشعب , وانشبعه

قهر

+

وين  تشرد منه  , ياشعب العراق

الله سلطنه عليك

اين المفر ؟

*************

عباس طريم

اريزونا

  كتب بتأريخ :  الجمعة 01-09-2017     عدد القراء :  3296       عدد التعليقات : 0

 
   
 

 


 
حفلة زواج الشاب الوسيم غزوان بطرس إيشو السناطي والشابة الفاتنة وسن مارخال توما في تورنتو كندا
في الرابع عشر من تموز الجاري2018 من يوم السبت عقد قران العروسين غزوان بطرس إيشو السناطي ووسن مارخال توما ف...التفاصيل