سألوني عن الوطن

سألوني عن الوطن بالعراق اش صار

كتلهم سمعت خبر جديد عن الوطن سار

شعبنا شد حزام بعزم وعلى الاشرار ثار

شيب وشباب طلبة وعمال اصبحوا ثوار

يصيحون بصوت واحد ارحلوا يا اشرار

كافي ظلم كافي بوك صرتوا مثل منشار

نهبتوا البلد وما شفنا منكم غير الأضرار

لشوكت تكذبون مو صرتوا للشعب عار

كل الناس تعرف انتم اشراروعبيد الدولار

قسمتوا الأموال بينكم وخليتوا للشعب اصفار

ضميتوا ملفات الفاسدين وعبالكم تبقى اسرار

بس الكل يعرف الحرامية وما يفيدكم الأنكار

لأن حيلكم خلصت وما ينقذكم الأجنبي الغدار

ولما يستفيد من التأريخ خل يتحمل الأخطار

القادة يخدمون الشعب ويحصلون على الأوسكار

مو يتفقون على نهب خيرات الشعب بأصرار

بس هذا الشعب لما يثور غضبه يتحول الى نار

رجعوا اموال الشعب قبل العاصفة والأمطار

لأن الشعب ثار ونزل للشارع وأنطاكم انذار

لو ترحلون لو يتم سحلكم وما يبقالكم اعتبار

وشما يطول ظلام الليل لازم يطلع النهار

  كتب بتأريخ :  الثلاثاء 26-11-2019     عدد القراء :  80       عدد التعليقات : 0